ابوذيات بمناسبه ولاده سيد البريه محمد ص ابو غيث المياحي

يمن دمعه بمصاب اعداه هامه
ويشيل اسمك من الدلال هامـه
محمد واحنه بيك انشيل هامـه
ونفاخر كل خلك رب البريــــه
*****
يمن غير الاله الكون مثنــــــــه
وحك سيف البيهه انصال مثنه
من صليت بالاملاك مثنــــــــــه
بأول مثنه حيدر والزجيـــــــــه
*****
زادك تمره ومن الخبز كسره
وطفه ميلادك انته انوار كسره
وربك آمرك كل صنم كسره
ومرغ راسه بتراب الوطيه
*****
يمن فكيت من الكفر يسري
واسمك ويه مسره دماي يسري
منهو الكبلك الله اختاره يسري
ويعرج والاملاك يأمهه هيه
******
انته الاسره بيك الله واعرج
وتشل جدمه اللي مايكصدك واعرج
ودرب المايشيلك وعر واعرج
ولايغفرله سلطان البريه



نسالكم الدعاء